Goierri Valley Elkarteak urteroko Batzar Orokorra egin du gaur goizean Goierri Berrikuntza Guneko NBF Eraikinean.
Alde batetik, 2023 urtean zehar Goierri Valley-k gauzatutako proiektu eta jardueren arteko errepasoa egin dute, hauek errepasatuz:
- Enpresak merkatuaren eskaetara egokitzea: Goierri Valley-k enpresa lehiakorrak izaten jarraitzeko baliabideak eskaintzeko bi proiektu dinamizatu ditu.
- Munduan: Nazioartean enpresei eskainitako laguntza, bakoitzaren mailara egokitua.
- Foroak eta Mahaiak: Sektorearen erronka eta ikuspegiak partekatzetik haratago, iritzi, esperientzia, soluzio eta egoera zehatzetan erabilitako tresnak elkar trukatzeko Foro eta Mahaiak.
- HUB 4.0 Laborategia: 2022an abiatutako proiektu honek 4.0 teknologiak enpresen eskura jartzea du helburu, enpresa txiki zein ertainei irekia.
Bestalde, 2023ko aurrekontuak errepasatu dituzte:
"Goierri Valleyko 2023ko Ekitaldiaren aurrekontua 400.000€tik gorakoa izan da eta honen exekuzioa onartzearekin batera, argitaratu da, ekitaldi horretan bazkideen artean egindako euro bateko ekarpenekin, elkarteak 4,95€ kudeatu dituela. Beraz, baiezta daiteke elkartearen jardunak eragin biderkatzailea duela."
2024 urtea 'emankorra' izan dela adierazi dute. Izan ere, enpresen egunerokotasuneko erronkei erantzuna ematea ahalbidetzeko asmoz, lanean dihardutela deritzote.
Goierri Valleyk 2022-2025 estrategiaren definizioan lan egiteko moduan aldaketa batzuk ezarri zituen eta bazkide ez diren enpresei proiektu edo ekintza zehatz batzuetan parte hartzeko aukera eskainiko dituela berretsi da. Hala nola, "Internazionalizazio proiektuetan, eraikuntza modularreko proiektuetan eta hainbat zerbitzu eta ekintzetan: Gosari Aurkezpenak, interesezko solasaldiak, HUB 4.0tik antolatutako formakuntzetan, sentsibilizazio saioetan eta experimentazio prozesuetan. Elkartetik antolatzen diren formakuntzetara ere sarbidea izango dute. Batzar Orokorrak hau berretsi du, Estatutuetan lurralde eremuari erreferentzia egiten dion testuaren moldaketa onartuz."