Modu eroso batean, Goierriko jatetxe eta herritarrei, inguruko ekoizleen berri ematea da ekimen honen helburua.
Turismora begira ere, kanpotik datozen bisitariei, Goierriko produktu gastronomikoak non lortu dezaketen adieraziko die mapa honek, besteak beste, gazta, esnekiak, eztia, sagardoa eta eratorriak, haragia, txakolina, garagardoa, ogia, barazkiak eta baserriko produktuak.
Biziola Kooperatiban eta Zaldibiako Kixkurgune dendan eskuragai egotea, edo ekoizleek salmenta zuzena egitea izan da mapa sortzeko jarraitu duten irizpidea.
Maparen alde batean ekoizleen zerrenda eta kokapena azaltzen da, eta maparen atzealdean, Goierriko produktu gastronomikoak aurki daitezkeen lekuak: Biziola, Kixkurgune, Beasain, Lazkao eta Ordiziako azokak, produktuak saltzen dituzten Goierriko turismo bulegoak, eta Idiazabal eta Ordiziako nekazarien kooperatibak.
Mapa gastronomiko hau, Biziola, Kixkurgune eta eskualdeko turismo bulego guztietan dago eskura.