Aldundiak bide-lanak finantziatuko ditu hiru herri hauetako segurtasuna hobetzeko asmoz. Aurten egingo den 615.000€ko inbertsioak ‘herri zein toki entitate txikiei baliabide gehiago eskaintzeko ahaleginari erantzuten diola’ adierazi zuen eta Goierrin egingo diren hobekuntzak azaldu zituen Ubarretxenak:
- Itsasondon GI-s131 errepidean, garai batean N-1a izan zena, hainbat puntutan egoera txarrean aurkitzen den hormigoizko hesia aldatzeko lanak egingo dira.
- Olaberrian, GI-2632 errepidean aurkitzen zen zebra-bidean eskaripeko semaforoa jarriko da bide-segurtasuna hobetzeko.
- Gabirian, Troiako meategietako errepideko bidegurutzea hobetuko da, GI-3540 eta GI-3520 errepideen artekoa.