Goiekiko Enpresa Ekimen Berrien XXVII. Sariketa martxan da eta irailaren 27ra arte egongo da proiektuak aurkezteko epea zabalik.
Aurtengo edizioak hiru kategoria sarituko ditu: Enpresa ekimen berriko proiektuak, Enpresan buruturiko proiektu berritzaileak eta Gizarte inklusioa ekintzailetzaren bitartez. Sari guztiek diru-laguntzaz gain, abantailak eta zerbitzuak eskainiko dituzte.
- Enpresa ekimen berriko proiektuak kategoriak urteko proiektu ekintzaile onena sarituko du. Honen helburu nagusia sustatzailearen irudia, eskualdean lana eta aberastasuna sortzea eta enpresa barrien garapena eta sorrera sustatzea da. Saria 6.000€koa izango da eta enpresak kooperatiba izaera juridikoa badu, 3.000€ gehiago jasoko ditu. 1. kategoriako oinarriak.
- Enpresan buruturiko proiektu berritzaileak kategoriak enpresek berritzeko egindako ahaleginak eta euren aldetik aurrera eramaniko ekintzak aintzat hartu, publikoki zabaldu eta saritzea du helburu. Saria 2.000€koa izango da. 2. kategoriako oinarriak.
- Gizarte inklusioa ekintzailetzaren bitartez kategoriak urteko gizarte inklusioko enpresa ekimen berri onena sarituko du. Honen helburua lan munduan txertatzeko zailtasunak dituztenei bultzada bat ematea, sustatzailearen irudia sustatzea, eskualdean lana eta aberastasuna sortzea eta enpresa berrien garapena eta sorrera sustatzea da. Saria 2.000€koa izango da. 3. kategoriako oinarriak.
