Pasa den hilabetean sinatu zuten Gipuzkoako Foru Aldundiak eta Enirio-Aralar Mankomunitateak legegintzaldi honetarako elkarlan akordioa. Landarlan Ingurumen Elkarteak akordioa eskatu die bi erakundeei, aztertzeko asmoz:
"Hasiera batean, Enirio-Aralar Mankomunitateak eta Gipuzkoako Foru Aldundiak sinatutako akordioa albiste ona izan badaiteke ere, bere edukia da garrantzitsuena eta horregatik Landarlan Ingurumen Elkartetik akordio hori eskatu diegu bi erakundeei. Horretaz gain, legealdirako ezer finkatu aurretik, mugimendu ekologista eta kontserbazionistekin elkar banatzea eskatu diegu, abeltzainekin egingo den bezala. Akordio horrek Aralar Natur Parkeko lurrei eragiten dienez, bi erakundeei gogorarazten diegu Aralar Natur Parkearen helburuetako bat hauxe dela: "Natur baliabideak babestu, kontserbatu, leheneratu eta hobetzea; bereziki, natur guneak eta flora eta fauna basatiak". Akordio horretan jasotakoa helburu horren arabera aztertuko dugu, ezin bait du helburu horren aurkakoa izan, edo erdizka betetako helburuan geratu."
Aralarko suteak
Bestaldetik, azken hilabetetan egondako suteez ere eskatu diete informazioa:
"Bestalde informazio eskaera horretan, azken hilabetean izandako suteez ere eskatu dugu informazioa. Enirio-Aralar mankomunitateak prentsa ohar egokia atera zuen bere lurretan Larraone eta Etitzegi artean baimenik gabe izandako suteaz, baina lehenago atera behar zuen eta hori da hurrengoetarako eskatu dieguna, eta baita ikerketa eta hartutako neurrien berri ematea ere. Foru Aldundiak berriz ez du ezer adierazi publikoki, ez baimenik gabeko suteaz eta ezta berak baimendutako Abaltzisketako suteaz ere, eta hori larria dela deritzogu. Horregatik informazio zehatza eskatu diogu bi suteez."
Zabaldutako oharra ikusgai hemen.
