Segura eta Zerain zeharkatzen duen mendi lasterketa, bi ibilbide izango ditu: alde batetik, 25 kilometrotako trail distantzia eta bestetik 14,5 kilometrotako sprint distantzia. Lasterketa motzekoak abiatuko dira lehenengo Segurako irteera marratik, arratsaldeko 15:30etan. Lasterketa luzekoak ordu erdi beranduago emango diote hasiera 16:00etan.
Goierri koparako puntuagarria izango da proba. Garinera, errekorra hausten dutenek 100 euroko saria jasoko dute. Sprintean, pasa den urtean hautsi zuen errekorra Gontzal Murgoitiok (1:04:42). Emakumezkotan berriz, Maria Zorrozak ezarri zuen errekorra 2018an (1:17:30). Distantzia luzean berriz, 2019tik ez da errekorra berriz hautsi. Gizonezkoetan 2:06:20-tan dago eta emakumezkoetan berriz, 2:23:01-ean.
Izen-ematea ostiral iluntzera arte zabalik egongo da kronoak.com webgunean.