Euskarazko bakarrizketagintzaren loraldiaren erdian, Bergarako Jardun Euskara Elkarteak eta Goiena Komunikazio Taldeak elkarlanean antolatu dute umorezko bakarrizketa lehiaketa hau.
Lau saioz osatuta egongo da lehiaketa eta hauek maiatzeko ostiraletan egingo dira. Lehenengo kanporaketa saioa eta finala Bergaran egingo dira eta tarteko bi saioak, Urretxu/Zumarragan eta Zumaian, hurrenez hurren.
Kanporaketako saio bakoitzak, 6-8 minutuko lau bakarrizketa izango ditu eta hauek publikoarentzako irekiak izango dira. Ikus-entzunezko produktuak elkarlanean ekoiztuko dira EITBren eta Goienaren artean.
Izen-ematea zabalik dago apirilaren 19ra arte. Parte hartzea irekia da, 2008an edo aurretik jaiotako edonork eman dezake izena, komunikazioa@algaraka.eus helbidera idatzita edo www.algaraka.eus webgunean. Parte hartu nahi duenak, 2-3 minutuko bakarrizketa bat aurkeztu beharko du ikus-entzunezko formatuan. Aurre-kanporaketan, epaimahaiak 11 bakarrizketari aukeratuko ditu eta 1 publikoak bozketa bidez aukeratuko du. Aukeratuen izenak apirilaren 29an jakinaraziko dira.
Saio hauen aurkezleak Miren Nogales aktore eta aurkezlea eta Jon Olivares aktore bergararra izango dira. Epaimahaiko kideak berriz, Idoia Torregarai kazetari eta umorista, Josu Zubia kulturgilea eta Potx pailazoa eta Aner Peritz bertsolari eta sortzailea izango dira.
Sariak:
- Saria: 1.000 € + Bergarako tostoiak eta erreilenoak
- Saria: 600 € + Bergarako tostoiak eta erreilenoak
Bergarar onena: 250 € (herrian erabiltzeko bonuetan)
Publikoaren saria: Bergarako Zumelaga jatetxean afaria eta Lamaino Etxeberri nekazal-etxean gaua eta gosaria.
Informazio gehiago algaraka.eus webgunean izango duzue.