Martxoaren 8a aldarri eguna izan zen Goierrin. Goierriko Koordinadora Feministak deituta, Ordizia, Beasain eta Lazkaoko hiru zutabeak Lazkaon batu eta bertan egin zuten ekitaldi nagusia.
Azaroaren 30eko Greba Feminista Orokorrari jarraipena emateko helburuarekin, hainbat izan ziren ozen zabaldu zituzten aldarriak. Zaintza sistema publiko eta komunitarioa nagusi, beste hainbat gai izan zituzten hizpide ekitaldian. Palestinar herriari elkartasuna adierazi eta emakume palestinarrak jasaten duen indarkeria salatu zuten.