Abenduaren 22an ospatu zuten 2023ko kirolgala Irunen. Gipuzkoako Foru Aldundiak antolatu zuen gala eta Aunitz Alberdi kazetariak aurkeztu zituen sariak.
Gala honetan Goierriko errepresentazioa ez zen falta izan. Ion Izagirre txirrindularia izan zen galako protagonistetako bat, izan ere, Gizonezkoen atalean, Gipuzkoa Kirol Saria berak eraman zuen, denboraldi honetan Cofidis taldearekin eginiko lanagatik eta Frantziako Tourreko etaparen garaipenagatik.
Horrez gain, aurten urteurrena ospatzen duten klubei ere omenaldi berezi bat egin zitzaien ekitaldian. Aitortza jaso zutenen artean Ordiziako 2 klub zeuden. Alde batetik, Ordizia Rugby Taldea omendu zuten. Klubeko presidentea den Koro Bosquek jaso zuen aitortza, Adur Ezenarro Ordiziako alkatearen eskutik. Bestetik, Ordiziako Igeriketa Elkartea ere omendu zuten 50 urte hauengatik.
Azkenik, Frantziako Tourraren historian arrastoa utzi duten Gipuzkoako 10 txirrindulari garrantzitsuei omenaldi berezia egin zioten baita. Hauen aurtean aurkitzen ziren aurretik omendutako Ion Izagirre eta baita Joseba Beloki txirrindulari Lazkaotarra.