Ekintzaz beteriko azaroa datorkie Goierriko Pentsiodunei. Azaroaren 16an manifestazioa egingo dute Gasteizen 1.080 €-ko gutxieneko pentsiorako osagarria galdegiteko. Azaroaren 11n Iruñean egingo dute manifestazioa. Hilaren 16an Gasteizera joateko autobusa antolatu dute 10 €-ren truke. Datorren astelehenean Lazkaon egingo den elkarretaratzean izena eman ahalko da.
Goierrin astelehenetan egiten dituzten konzentrazioetan sinadurak biltzen ari dira eta, gainera, Udaletan eta Aldundietan mozioak aurkeztuko dituzte.
Pentsiodunek gogorarazi dute Hego Euskal Herrian 200.000 pentsiodun baino gehiago daudela 1.080 € baino gutxiagoko pentsioa jasotzen dutenak.
1.080 €ko pentsio minimoa eskatzeaz gain, urtero gutxienez KPIarekin eguneratzea exijitzen dute.
Azaroaren 11n, Osasun Publikoaren defentsan
Azaroaren 11n ere mobilizatuko dira Goierriko pentsiodunak Osasun Publkoaren alde. Hala, EAEko hiru hiriburuetan Osasun Publikoaren Deferntsarako Herritarren Koordinakundeak egindako deialdiarekin bat egingo dute, zehazki arratsaldeko 17:00etan Donostiako Boulevardetik abiatuko den manifestazioarekin.
Azaroaren 30ean, greba feminista
Azkenik, Euskal Herriko Mugimendu Feministak eta Denon Bizitzak Erdigunean plataformak deitutako greba antolatzeko batzordeetan parte hartzera deitu dituzte pentsiodunak.