Lurraldearen errealitatea ezagutzeko asmoz bisitatu duen lehenengo eskualdea izan da Goierri. «Turismo Zuzendaritzarako, ezinbestekoa da ezagutzea eskualde bakoitza, haien indargune eta beharrak, eta bertako eragileekin harreman zuzen eta jarraitua izatea. Helburua da industria turistikoari laguntzea bere helburuak betetzen modu jasangarrian eta kulturan eta tradizioan oinarrituta.”
Ordizia, Zegama eta Segura bisitatu ditu
Ordizian hasi du bisita, Goiturreko Niko Osinalde eta Ion Ubide ordezkariekin eta Adur Ezenarro alkatearekin. Bertan agentziaren berezitasuna eta urteko ekintza plana ezagutu ditu.
Ondoren Zegamara joan dira, Iker Zubeldia alkaterarekin batera Anduetza Parketxean kokatuta dagoen Aizkorri Aratz parke naturalaren interpretatzio zentroa ezagutzera.
Seguran berriz, Erdi Aroko hiribildua eta Ardixarra Etxea bisitatu ditu Izarra Urdalleta alkatearekin. Bisitari amaiera emateko, Ondarre gaztandegia bisitatu du foru ordezkaritzak.
Mugikortasuneko, Turismoko eta Lurralde Antolaketako diputatuak positibotzat jo du Goierriko eskualdera egindako bisita, eta ekintza horien garrantzia azpimarratu du. Era berean, Azahara Domínguez diputatuak bere esker ona adierazi du: "Eskerrak eman nahi dizkiet bisita hauek posible egiten dituzten pertsonei eta tokiko entitateei, eskaini diguten arretagatik eta Gipuzkoako turismoaren alde duten jarrera onagatik".