Uztailean bi astez izan dira Aranzadi Zientzia Elkarteko kideak San Adrianen urtero egin ohi arkeologia-kanpaina burutzen. Aurtengoan egin duten aurkikuntzen artean, kobazuloaren erabilera ezagutzen zena baino askoz zaharragoa dela da. Orain arte, aurkitutako aztarna zaharrenak duela 14.000 urtekoak ziren, Goi Paleolitokoak hain zuzen ere. Aztarna zaharragoak izan zitezkeela susmatuta, zundaketa bati ekin zioten duela bi urte. Hala, aurten, azken maila baino 1.80 metro sakonago, duela 40.000 urte baino gehiagoko aztarnak aurkitu dituzte, aldi musterienseari dagozkionak.
Faunaren eta litikoen aztarnak aurkitu dira, ikatzez gain. Hondakin litikoetan ikusitako zizelkatze-teknikak eman du aukera aldi musteriensearekin lotzeko eta neandertalak San Adrianen kokatzeko.
Gainera, eremu modernoago baten indusketa ere mantendu da, zehazki Erdi Arokoa, eta bertan, gaztelarren konkistaren aurreko kokaleku gotortu bat dagoela baieztatu da.