Goizeko 11:30etan emango diote hasiera festari salda eta txorizo dastaketarekin. Ondoren, haurrentzako jolasak egingo dituzte 12:30ak aldera.
13:00ean ospatuko den Meza nagusian Ormaiztegiko Urmaiz abesbatzak kontzertua eskainiko du.
Bitarte horretan, sukaldariak bazkaria prestatzen hasiko dira. Bi menu desberdin izango dira, helduentzat untxia saltsan prestatuko dute eta haurrentzat makarroiak.
Bazkalostean, musika eta dantzarako momentua izango da, 16:00etan emango zaio hasiera erromeriari Modestorekin.
Egunari amairera emateko 18:00etan Lierniko 25. Toka txapelketa herrikoia ospatuko dute.
Auto pilaketak ekiditeko, oinez igotzea gomendatzen da. Bestela doako autobus zerbitzua eskainiko da Ormaiztegitik Liernira igo eta jaisteko.