Aztiriatik sartu orduko entzuten ziren animo eta irrika buila eta algarak Larraitzen. Ia-ia 28 kilometro egin ditu Tour De France txirrindularitza probak Goierrin eta lehenengo segundotik dena eman dute bai parte hartzaileek baita errepide bazterretan, belardietan, etxeetako balkoietan zein baserrietako ateetan zain zeuzkaten Goierritarrek.
Giroa bikaina izan da ibilbide guztian zehar eta halaxe ikusi ahal izango duzue datorren astean argitaratuko dugun saioan, eta saio hori osatzeko ongietorriak izango dira (ahal dela horizontalean) grabatu dituzuen Tourraren bideoak!
Nahi izanez gero, elkarbanatu gitb@gitb.eus helbidera edo 635 747 636 era Whatsapp zein Telegram bidez. Mila esker!