Igande honetan pasako da Tour-a gure errepideetatik. Ba al duzu ikustera joateko asmorik? Non izango zara?
Goierri Telebistan zure begietatik bizi nahi dugu txirrindularitzaren festa nagusia. Tropela nola pasatzen den ikusi nahi dugu, baina baita zure inguruan dagoen jendetza, paisaiak eta, batez ere, giroa.
Bidal iezazkiguzu zure bideoak, ahal dela, horizontalean grabatuta. Bi aukera dituzu. Batetik, emailez gitb@gitb.eus helbidera bidalita. Bestetik, telefonoz, Whatsapp edota Telegram aplikazioak erabiliz, 635 747 636 zenbakira.
Zuen bideoak astelehenean emitituko dugun saio berezian eta gitb.eus webgunean ikusi ahal izango dira.