EH Bilduk irabazi ditu Batzar Nagusietarako hauteskundeak, bai Gipuzkoan, baita Goierrin ere

GITB 2023ko mai. 29a, 17:35

EAJk ia 2.100 boto galdu ditu Goierrin 2019ko hauteskundeekin alderatzen badugu.

22 eserleku lortu ditu Maddalen Iriarte buru duen taldeak, 5 irabazita; 17 EAJk, 2 galduta; 7 PSEk, hauek ere 2 galduta; 3 PPk, 2 irabazita,  eta 2 Elkarrekin Podemosek, 2 batzarkide galduz.

 

Esan bezala, Goierrin ere EH Bilduk irabazi ditu Batzar Nagusietarako hauteskundeak, Gipuzkoa mailan baino alde handiagoarekin gainera. Goierrin boto guztien %44a eskuratu dute. EAJk, bitartean botoen %38arekin konformatu behar izan du. PSEk botoen %7 eskuratu ditu eta Elkarrekin Podemosek %4. Parte-hartzeak behera egin du, 2 puntu. Hala ere, Gipuzkoakoa baino parte-hartze handiagoa izan da Goierrin: %40ko abstentzioa izan da lurralde osoan eta %30ekoa gure eskualdean.

Kontsultatu Batzar Nagusietarako hauteskundeetako emaitzak, herriz herri, hemen.

 

Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.


GITBkide