Ikasturte berrirako liburutegirako arduradun bila dabil Gabiriako Udala. Urri hasieran irekitzeko asmoa dute. Liburutegia ostiraletan 16:00etatik 18:00etara egoten da zabalik.
Bertako arduraduna izateko hiru baldintza bete behar dira: 18 urte edo gehiago izatea, euskaraz jakitea eta, azkenik, gabiriarra izatea eta bertako umeak ezagutzea.
Interesa dutenek udaletxera deitu edota udala@gabiria.eus helbidera idatzi behar dute irailaren 19a baino lehen.