Gabiriako Udalak mugikortasunerako arazoak dituzten gabiriarrentzat eskuragarri ditu pertsonak mugitzeko garabia, gurpildun aulkia edota ohe artikulatua.
Behin udaletxean eskaera eginda, gizarte langilearen informe bidez erabakiko da materiala utzi edo ez. Hilabete pasatakoan, eskatzailearen egoera berraztertuko da.
Materiala erabili ahal izateko kontratu bat firmatuko da tresnei erabilpen ona emango zaiela ziurtatuz.
Udalak azpimarratu du materialok itzuli egin beharko direla.
Informazio gehiago udaletxean eskuratu daiteke, 943 88 07 34 telefonora deituta.