Gaur, egunean zehar ospatu den Rallysprint Gabiria Legapizko XXVI. edizio honek ikuskizun ona eman du, eguraldia lagundu izan ez badu ere.
Bukaeran, Iraitz Olariaga gidariak eta Josu Odriozola kopilotuak eraman dute etxera txapela haien Honda Civic-arekin, 18:42.100-ko denborarekin eta horrela hasi berri den "EME Eskuderia"ri trofeo bat lortuz. Gorka Eizmendi eta Esti Armendarizek, haien Citroen C3 N5-arekin ere gogor borrokatu dute lehenengo postu hori lortu ahal izateko, baina azkenean bigarren postuarekin konformatu behar izan dira, 18:56.900-eko denborarekin. Bukatzeko, Alberto Marcos eta Maialen Guridi beraien BMW M3arekin hirugarren postuan geratu dira 19:02.500-eko denborarekin.
Ikus daitekeenez egindako denborengatik, oso estu egon da lasterketa hau eta ondoriozta daitekeen bezala, gidari hauek eman duten ikuskizuna nabarmena izan da.
