Apirilaren 6ean ospatuko da Osinalde Sariketako finala

Urte hasierarekin batera martxan jarri da Osinalde bertsolari sariketako antolakuntza taldea. 52. edizioa izango da aurtengoa eta bertsolarien zerrenda ixtear dutela, lau saioen datak iragarri dituzte dagoeneko.
Urtero legez, hiru kanporaketa ospatuko dira Gabiriako final handiaren aurretik. Zaldibiak hartuko du lehena. Martxoaren 9an ospatuko da Osinberde saria.
Martxoaren 16ean berriz Gabiriako Aztiri Bat saria ospatuko da eta azken kanporaketa Ordiziako Argi Berri saria izango da, martxoaren 23an.
Kanporaketa bakoitzetik bina bertsolari sailkatuko dira finalera, eta hau  Gabirian ospatuko da apirilaren 6ean.
Bertsolarien partaidetza ixtear dutela adierazi dute antolakuntza taldetik . Guztira 18 bertsolarik hartuko dute parte eta hauen izenak datozen asteetan konfirmatuko dira.