Iraileko lehen igandean ospatzen da Artzai Eguna Legazpin. Bertan jokatzen da, gainera, Gipuzkoako Artzai Gazta Txapelketa. Goierritarrek emaitza bikainak lortu dituzten 39. edizio honetan. Txapela Gabiriara joan da, Baztarrika Gaztek lortu dute lehen sari preziatua. Gainera, dastaketa herrikoian ere beraien gazta izan da gustukoena.
Bigarren saria, aldiz, Olaberriko Aizpea Gaztandegiarentzat izan da eta, hirugarrena, Segurako Ondarreko Eneko Goibururentzat.
Gaztetxoek ere izan dute zeresana Legazpiko Artzai Egunean. Hauek osatutako epaimahaiak ere Goierrin utzi du saria: Zeraingo Basazabalekoa da gaztetxoen ustez Gipuzkoako gaztarik onena.
Gipuzkoako Artzai Gazta Txapelketako sailkapena
- Baztarrika (Gabiria)
- Aizpea (Olaberria)
- Eneko Goiburu - Ondarre (Segura)
- Mausitxa (Elgoibar)
- Joseba Insausti - Otatza (Ordizia)
- Gesaltza (Oñati)