Josetxo Zufiaurre etnografo beasaindarra hil da

Herriko historia, tradizioak eta ondare etnografikoa ikertzen eta zabaltzen egindako lanagatik nabarmendu zen Zufiaurre

Josetxo Zufiaurre Goia etnografo beasaindarra igandean hil zen. Ikertzaile etnografikoa eta Jose Miguel de Barandiaranen ikaslea izan zen Zufiaurre. Etniker Gipuzkoa taldeko idazkaria eta Aranzadi Zientzia Elkarteko nahiz Eusko Ikaskuntzako kidea ere izan zen.

1935eko abuztuaren 23an jaio zen Beasainen, eta bere bizitzaren zati handi bat herriko historia, tradizioak eta ondarea ikertzen, dokumentatzen eta zabaltzen eman zuen.

Haren lanari esker, besteak beste, Beasaingo Paperak bildumako hainbat liburu argitaratu ziren. Bere lanen artean daude Beasaingo kale-izenen historia (1995), Beasaini buruzko monografia etnografikoa (1998), Beasaingo Musikak (2006), Beasaingo urak (2009), Astigarreta (2012), Irakaskuntza Beasainen (2015) eta Beasaingo garai bateko lanbideak (2017).

Egindako lana eskertzeko, hainbat aitortza eta omenaldi jaso zituen urteetan zehar. 2009an, esaterako, Beasaingo Udalak omenaldia egin zion, herriari egindako ekarpenagatik. 2015ean, berriz, Beasaingo Odolki Kofradiako ohorezko kofrade izendatu zuten.

Josetxo Zufiaurre igandean zendu zen, 91 urte zituela.

Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.


GITBkide