CAFeko Enpresa Batzordeak elkarretaratzea egin du lantegiaren atarian, atzo ezagututako gertakariak salatzeko. Izan ere, ezkutuko kamera aurkitu zen CAFeko komun batean eta langile batek erruduntzat jo du bere burua.
Enpresa Batzrdeak bidali duen idatzian indarkeri matxistatzat jo du ekintza hau, “komunetan hera honetako grabaketak egitea emakumeen gaineko kontrol-nahiaren eta bortizkeriaren beste adierazle bat baino ez dela” adieraziz.
Lantokiak ere gune seguruak izan behar direla adierazi dute eta jarrera sexista guztiak "errotik moztea" ezinbestekoa dela azpimarratu dute. “Ezin da ekintza matxistarik erlatibizatu. Jarrera sexista orori aurre egitea guztion lana da, zenbaitek sentitzen duten inpunitatearekin amaitu behar baita.”
Erasoa jasan duten lankideei, babes eta elkartasun osoa adierazi nahi izan die eta Enpresa Batzordetik edozertan laguntzeko prestutasun osoa azaldu.