Uda Ikastaroa: Hiri-Logistikaren transformazioa: tekologia eta eredu arrakastatsuak

Kontsumo-ohituren eraldaketak aurrekaririk gabeko hazkundea eragin du merkataritza elektronikoan. Datu historikoen arabera, online erosketen pisua 2008ko % 9,6tik 2022ko % 25,3ra igaro da, eta 2023-2026 hirurtekorako % 10eko hazkunde gehigarria aurreikusten da.

Eszenatoki honek erronka kritikoak planteatzen ditu ingurumen-jasangarritasunari eta espazio publikoaren kudeaketari dagokienez. Gaur egun, errepide bidezko garraioak Europar Batasuneko berotegi-efektuko gasen emisioen % 25a eragiten du; aldi berean, "azken miliako" logistikaren eraginkortasun ezak gure hiri-zentroetako irisgarritasuna eta bizikidetza nabarmen kaltetzen ditu.

Testuinguru honetan, Beasaingo Uda Ikastaroa goi-mailako topagune gisa eratzen da. Bertan, ordezkari publikoek, ikertzaileek eta adituek mugikortasun-zerbitzu aurreratuen, plataforma digitalen, estandarizazioaren eta konponbide teknologikoen (hala nola locker adimentsuen) ezarpena aztertuko dute.

Bat egin eztabaidarekin eta gidatu logistika eraginkorrago baterako trantsizioa.

https://www.uik.eus/eu/jarduera/hiri-logistikaren-transformazioa-teknologia-eredu-arrakastatsuak