Jakitea Elkarteak gastronomia tradizionala eta bertako produktua sustatzea du helburu. Horretan lanean ari direnei aitortza egiteko Jakitea sariak banatzen ditu, aurtengoa 8. aldia izan da.
Hamar sari banatu dituzte eta, nagusia, Besaingo Urkiola Erretegiari eman diote: Juan Manuel Garmendia saria, kalitate handieneko eta produktu oneneko jatetxeari. 1989 urtean zabaldu zuten jatetxea Jose Inazio Urkiolak eta Mari Karmen Katarainek. Duela bost urte haien seme Iñigo Urkiolak hartu zien erreleboa. Hasiera-hasieratik funts bera izan du jatetxeak: parrilla eta kalitatezko produktua. Horixe da Jakitea elkarteak saritu duena: bertako, garaiko eta kalitatezko produktuen erabilera.
Gainontzeko sarituak ondorengoak izan dira:
- 0 kilometroa/Eusko Label saria: Casa Garras (Karrantza, Bizkaia)-Txema Llamosas.
- Jatetxe onenari saria: Bordatxo jatetxea (Usurbil, Gipuzkoa)-Paulino Ibargoien.
- Bertako ekoizleari saria: Balerdipeko Erleak (Tolosaldea, Gipuzkoa)-Mattin Jauregi eta Inaxio Arin.
- Pintxo tradizional onenari saria: Donostiarra pintxoa, Artola taberna (Donostia, Gipuzkoa)-Jose Mari Morales eta Ainhoa Bonail.
- Plater tradizional onenari saria: Chez Mattin (Ziburu, Lapurdi)-Michel eta Celine Niquet.
- Euskara sustatzeagatik errekonozimendua: Biko taberna jatetxea (Tolosa, Gipuzkoa)-Arantxa Usabiaga eta Kattalin Bollain.
- Ibilbide osoari saria: Amaia Portuzar, Ganbara taberna (Donostia, Gipuzkoa); Begoña eta Belen Plazaola, Arrate jatetxea (Leintz-Gatzaga, Gipuzkoa); eta Pili Bereziartu, Irubide jatetxea (Hernani, Gipuzkoa).
- Bertakotzeagatik errekonozimendua: Juan Carlos Beltran, Xixario jatetxea (Orio, Gipuzkoa).
- Mikel Corcuera kazetaritza gastronomikoari saria: Pepe Barrena.