Jakingura eta eraldaketa gaiak aintzat hartuta, solasean ariko dira Iñigo Aranburu sortzaile eta komunikatzailea; Joxepa Madariaga, Gerriko Kultur Elkarteko ordezkari gisa; Maialen Olano moda diseinatzailea; eta Nerea Elias Biziola gizarte-ekimeneko kooperatibatik. Jarraian, 19:30etan Eider Saez abeslari lazkaotarrak zuzeneko emanaldia eskainiko du.
Jakingura Jaialdian parte hartzeko izen-ematea zabalik dago jada, Kutxa Fundazioaren webgunearen bidez. Jarduera bakoitzak galdetegi propioa du, eta komeni da aurrez izena ematea.
Jakingura Jaialdia, pentsamendu kritikoa eta jakin-mina ezagutzaren erdigunean jarri nahi dituen ekimena da. Helburua ez da jakin-minari buruzko ezagutza teorikoa zabaltzea, herritarrei galderak egiteko, ikuspegi desberdinak gurutzatzeko eta egungo erronkei begirada kritikoago eta zabalago batetik heltzeko beharra ikusaraztea baizik.
Bigarren topaketa, ekainaren 12an egingo da Bergarako Laboratorium Museoan:
18:30 - Mahai-ingurua: Itzulera, jakin-minetik ezagutzara
[ Euskaraz ]
Parte-hartzaileak:
- Oihana Arana (Idazlea eta bertsolariai)
- Ana Galarraga (Dibulgatzaile zientifikoa. Elhuyar)
- Ander Mujika (Musikaria)
- Mikel Rotaetxe (Kazetaria)
- Maddi Iñarra (Irakaslea)
19:30 - Kontzertua
Amorante
Jaialdiaren hitzordu nagusia ekainaren 19an izango da, Donostiako Tabakaleran. Egun osoko eta formatu anitzeko programazioaren bidez, jakin-mina eta pentsamendu kritikoa lehen lerroan jarriko dira.