Gipuzkoako Foru Aldundiak, Zainketa eta Gizarte Politiketako Departamentuaren bidez, zerbitzu osagarri berri bat jarriko du abian Aspace Gipuzkoako geletara joaten diren haur eta nerabeentzat, Aste Santutik aurrera. Helburua, eskola egutegiko jaiegunetan ere arreta jasotzen jarraitu dezatela bermatzea da.
Urtean zehar beste 33 arreta-egun eskainiko dituen zerbitzua bultzatuko da, 09:00etatik 17:00etara. Zerbitzua, Beasaingoaz gain, Donostiako, Bergarako, Irungo eta Eibarko Aspace Gipuzkoako zentroetan emango da, pertsona bakoitzaren beharretara egokituta. Gainera, jantoki eta garraio zerbitzuak ere eskainiko dira.
Neurri hau Aspace Gipuzkoarekin elkarlanean garatu da, arreta eredu partekatu batean oinarritutako lankidetza iraunkorraren emaitza gisa.