Martxoaren 10ean, asteartea, Hirukide Euskadiko Familia Ugarien Federazioa Beasainera joango da udalerriko eta inguruko herrietako familia ugariei informazioa eta arreta ematera. Udaletxean 09:30etik 14:00etara eta 15:00etatik 18:00etara hurbiltzen diren familia guztiei arreta pertsonalizatua eskainiko die.
Formulario hau betez hitzordua hartzen dutenek, lehentasuna izango dute arreta jasotzeko orduan. Hala eta guztiz ere, ez da beharrezkoa aurretiko hitzordua hartzea eta hurbiltzen diren familia guztiei emango zaie arreta.
Arreta-puntuan, erakundearen zerbitzu eta jardueren berri eman, familia ugarientzat Euskadin dauden eskubide, laguntza eta hobari publikoen informazio zehatza eskaini eta familiek dituzten zalantza, iradokizun eta erreklamazioei erantzungo zaie.
Gai nagusiak:
- Familia ugaria izateagatik dauden eskubideak.
- Laguntzei/hobariei, baimenei eta abarri buruzko zalantzak argitzea.
- Seme-alabak hazteko eta mantentzeko laguntza berriari buruzko berrikuntzak.
- Familien Lege Berriaren aurreproiektuari buruzko informazioa.
- Zein laguntza/deskontu daude Beasainen?
- Federazioaren lana.
- Familien ekarpenak.
Azken urteko berritasunak familia ugarientzat
Aurkezpen ekitaldian, azken hilabeteotan eta urteetan kolektibo honi zuzenduta izan diren berritasunak azalduko dira, familia ugari askok ez baitituzte ezagutzen. Besteak beste, hauek nabarmentzen dira:
- Argiaren Bonu Soziala eta termikoa
- Familia ugarientzako seme-alabak hazteko eta mantentzeko laguntza berriak zabaltzea
- Familia ugariaren izaera zabaltzea
Hirukide, 1999tik
Hirukide elkarte apolitiko eta akonfesionala da, Eusko Jaurlaritzak 2003. urtean Onura Publikoko Elkarte gisa aitortua, bizitza politiko, instituzional, sozial, mediatiko eta enpresarialeko esparru guztietan kide ugariko familien eskubideen alde egiteko helburua duena. Kide ugariko 8.200 familiak baino gehiagok (43.000 bazkide inguruk) osatzen dute, eta bazkide izateko baldintza bakarrak dira Kide Ugariko Familia Titulua edukitzea edo eduki izana eta Euskal Autonomia Erkidegoan bizitzea. Egun, titulua indarrean duten familien % 25 baino gehiago Hirukideren baitan daude.