Ibon Mendia nafarra eta Tasio Martin bizkaitarra dira 5 hilabetez Estatu Batuetatik Amerika hegoaldera eskalada jarduera gogorra eginez bizitako abenturaren protagonistak.
Estatu Batuetan Yosemiten ibili ziren El Capitango Freerider eta The nose eta Half Domeko Regular bide klasikoak eskalatzen.
Iazko urtearen amaiera Paineko Dorreetan (Txilen) iragan zuten. Erresistentziara Kondenatuak bide berria irekitzeaz gain, Iparraldeko Dorrea Peineta eta Monzino bideetatik eskalatu ahal izan zuten eguraldi txarreko egunetan eta jarduera osatzeko baita Erdiko Dorrea Bonington bidetik ere eguraldiak eskainitako bi eguneko atsedenaldian.
Jarraian Chaltén-era (Argentina) joan ziren eta “kolpe fanatikoan saiatu ziren Egger Dorrean”. Meteorologiak ez zien aukera handirik eman, baina Ibonek hala dio: “eguraldiak utzitako tarte txiki batean dena ematen saiatu ginen, gauez gelditu ere egin gabe eskalatzen tarte txiki hori aprobetxatu nahian”.
Sarrerak doan
Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.
GITBkide