2008. urtetik gaur egun arte egindako lanaren ostean, nekeak eta errelebo faltak antolakuntza taldeari erabaki hau hartzera eraman diote. Proiektua aurrera eramateko beharrezkoa den denbora eskaintzea zaildu egin zaie azken urteetan. Gainera, azaldu dutenez, antolakuntzan funtsezkoak diren hainbat kideren hutsunea ere aurreikusten zuten hurrengo edizioetarako
Antolakuntzako giza baliabideaz gain, baliabide ekonomikoek ere zuzenean eragin dute erabaki honetan. Diru sarrerek ez dute gastuen bilakaera berdina eduki eta horrek ez du proiektuaren maila mantentzea ahalbideratu. Ondorioz, egoera honetan, taldeak ezin izan ditu gustatuko litzaizkiokeen berrikuntzak ezarri hiru lasterketetan.
Hala ere erabaki honekin ez dute ateak betirako itxi. Izan ere, proiektuarekin jarraitzeko interesa izan dezakeen edozein talderi, beraien laguntza eskaini die eta orain arte erabilitako materialak eskuragarri izango dutela azaldu dute.
Antolakuntzak zabaldutako komunikatuan, eskerrak eman dizkie urte hauetan proiektua posible egin duten erakunde, babesle eta laguntzaileei. Baita edizio hauetan parte hartu duten korrikalariei eta batez ere ezinbestekoak izan diren boluntarioei.