Modernizazio eta deskarbonizazio estrategian Urrats aitzindaria eman du GHK-k. MAN enpresak fabrikatutako serieko lehen lehen kamioi elektrikoa sartu du. Honek Sasietako Tansferentzia Estaziotik Zubietako Ingurumen Guneraino hondakinak garraiatzeko ibilbidean jardungo du, Sasietako eta Tolosaldeko mankomunitateen zerbitzura.
Gaur goizean aurkeztu dute kamioia Sasietako Transferentzia Estazioan eta bertan izan dira Gipuzkoako Hondakinen Kontsortzioko presidente José Ignacio Asensio, MAN Truck & Bus Iberiako zuzendari nagusia, Stéphane de Creisquer, Sasieta Mankomunitateko presidente Leire Artola eta Transportes Garrai enpresako gerente Jesús Dorronsoro.
"Ekimen honek neutraltasun klimatikorako bidea markatzen du, eta lurraldeko hondakinen garraio sistema osoaren elektrifikazio prozesuaren parte da, Gipuzkoako Foru Aldundiko Jasangarritasun Departamentuaren Deskarbonizazio Estrategiaren
zutabeetako bat".
MAN kamioi berria Alemanian fabrikatzen da eta industria-garraioen arloko iraultza teknologiko bat bezala aurkeztu dute: "Guztiz probatuta eta diseinatuta dago barne-errekuntzako ibilgailuen malgutasun operatibo bera eskaintzeko, baina zero emisiorekin".
Gainera, kamioi honen bateriak konpontzeko aukera dago Bartzelonan, hauen bigarren edota hirugarren bizitza bermatuz eta ekonomia zirkularraren aldeko apustua indartuz.
Gaurko aurkezpenean Jose Ignazio Asensiok eskainitako hitzaldian nabarmendu duenez, “hondakinen garraioaren elektrifikazioa funtsezko urratsa da Gipuzkoako hondakinen kudeaketa-sistemaren karbono-aztarna murrizteko. Mugikortasun garbiaren eta irtenbide teknologiko eta bideragarridun trantsizio ekologikoaren aldeko apustua egiten dugu”. Garraioa deskarbonizatzea funtsezkoa dela azpimarratu du, mugikortasuna baita hondakinen kudeaketan emisioen fokurik handiena.
Stéphane Creisquerrek MAN Truck & Bus Iberiako zuzendari nagusiaren hitzetan, "egun hau mugarri bat da MANek Espainian izan duen historian. Garraio jasangarriarekin dugun konpromisoa berresten dugu Garrairen eta GHKren eskutik. Ibilbide hori deskarbonizatzea lehen urratsa da hurrengo belaunaldientzat etorkizun hobe baterantz eboluzionatzeko. Proiektu hau eragile guztien konpromisoari esker gauzatu da”.