Eibarreko klubak gaur jakinarazi du Beasaingo atzelariak hurrengo bi denboralditarako sinatu duela eta taldeko defentsarako errefortzu berria izango dela.
Etxezarreta 2015ean iritsi zen Realera. 2018-2019 denboraldian Erreginaren Kopa irabazi zuen eta 2019-2020an UEFA Champions League jokatu zuen baita. Kopa irabazi zuen talde hartan Iñaki Goikoetxea zen bigarren entrenatzailea eta orain bere entrenatzailea izango da Eibarko taldean. 29 urteko atzelariak 200 partida baino gehiago jokatu ditu Lehen Mailan, 10.000 minututik gora.
Emakumezkoen lehen taldea uztailaren 15ean bueltatuko da entrenamenduetara eta ligako hurrengo denboraldia abuztuko azken asteburuan hasiko dute