Bareak Merkatari Elkarteak ‘Bareak Saltsan’ podcasta sortu du eta dagoeneko lehen saioaren grabaketa gauzatu da. Elkarteak berrikuntza moduan sortutako proiektu honek herritarren merkatarien egunerokoa eta beren saltokietan dagoen saltsa ezagutaraztea du helburu eta atal desberdinak izango ditu.
Xabin Fernandezek aurkeztuta eta Goierri Telebistak errealizatuta, saio bakoitzean Beasaingo komertzioetako gonbidatu bereziak izango ditu eta gai ezberdinak jorratuko ditu.
Lehen saioa martxoaren 11n emitituko da Goierri Telebistan gaueko 22:00etatik aurrera eta gitb.eus webgunean eta Bareak Merkatari Elkartearen kanaletan izango duzue ikusgai.