800.000 euroko aurrekontuarekin, 12 proiektu izan dira laguntzen deialdiaren onudarunak; bost ekimen bultzatzaile, lau esperimental eta esplorazioko hiru ekimen.
2018tik, guztira 92 proiektu izan dira ADINBERRIk abian jarri dituenak 6 milioi eurotik gorako aurrekontuarekin. Aurten, nahi ez diren bakardadeei heltzeko eta horiek prebenitzeko ekimenak bultzatzea du helburu HARIAK HUB laguntzak eta hauek HARIAKen I. Jarduketa Planean (2022-2027) sartuko dira.
Atzo aurkeztu ziren azken deialdiko proiektuak eta hiru ildo aurreikusi zituzten: esplorazioa, esperimentazioa eta bultzada; “bakardadearen ikuspegian eta lanketan jauzi kualitatiboa emateko aukera ematen dute, ekosistemak eratuz, hainbat eragileren artean sinergiak sortzeko, eta, gainera, bakardadeen inguruko ekosistemen eraikuntza inkrementalaren berrikuntza ziklo osoari heltzen diote”, adierazi zuen ADINBERRIko zuzendari nagusiak.
Beasaingo Udalak Dar Dar Produkzioekin batera abian jarritako proiektua proiektu esperimentalen buruzko deialdian kokatzen da, nahi ez den bakardadearen eta osasun mentalaren arteko zuzeneko erlazioari buruz herritarrak sentsibilizatzeko eta hezteko sortua.