Ostadar Dantza Taldetik jakinarazten dizuegu urteroko Gabonetako emanaldia eskainiko dugula datorren larunbatean, abenduak 21, Beasaingo Usurbe antzokian, 19:30ean.
Eta aurtengo emanaldia ohi baino bereziagoa izango da, gure 40. urteurrena dantza eginez ospatzera baikoaz, oraina biziz, iragana oroituz eta etorkizunari begiratuz.
Ekitaldiko sarrera doakoa izango da. Urtero egin izan dugun bezala, Euskal Herrian zehar aurki ditzakegun dantzak eskainiko ditugu, bakoitzaren ezaugarriak (koreografiak, musika, jantziak…) ahalik eta hobekien islatuz. Eta Ostadar Dantza taldea osatzen duten talde guztietako kideak izango ditugu oholtza gainean dantzan, musikariek jotako doinuen erritmora dantzan: haurrak, helduak eta Plaza dantzen ikastaroko kideak.
Dena den, emanaldi berezia izaki, dantza-koreografi bereziren bat ere estreinatuko dugu aurten bere jaiotzaren 120. urteurrena izan den Maurizia Aldeiturriaga pandero-jole bizkaitarra omenduz, eta era berean, Aitor Alvarez Etxezarreta musikariak espreski Ostadar Dantza Taldearen 40. urteurrenaren harira sortutako piezak ere dantzaratuko ditugu.
Izan zaitez Komunitateko partaide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA