Horrela aurkeztu du Uxue Iruretagoiena Aterpek:
"Uxue Iruretagoiena Andresek, energiaz eta jakin minez beteriko 22 urteko neska gazteak, bere mundua ezagutzera gonbidatu gaitu teknika klasiko eta bizi baten bidez: luma eta tinta, aguadarekin osatua.
Baserri baten hazia, landa ingurune betean, euskal kultura ondarearekiko eta naturarekiko interes sakona garatu du, bere pieza bakoitzean islatzen diren bi elementu izanez.
Antzinako eta egungo baserrien argazkietan inspiratuz, hamaika istorio gordetzen dituzten eta askotan ahaztuta eta hutsik geratzen diren lekuak gailendu nahi ditu. Trazu bakoitzarekin, hainbat familien bihotza izan diren baserrien garrantzia aldarrikatzen du, paisaia urrun eta idilikoetan kokatuak.
Erakusketa erretratu batzuk ere biltzen ditu, non artistak lumak eskaintzen dion sormen askatasuna eta tintaren jokua esploratzen dituen."