Beasaingo Udalak lagunduta, sexu aholkularitza gunea eta aholkularitza juridikoa eskainiko dira Beasainen.
Sexu aholkularitza gunea
Astelehenetan arratsaldeko 16:30etatik 19:30etara, sexuaren inguruko hainbat gai lantzeko gunea sortuko dute. Horrela aurkeztu dute:
- Informazio eta aholkularitza: Helburua, erabiltzaileei laguntzea da, gaitasun sozialak eta pertsonalak sustatuz, jokabide osasuntsuak bultzatuz, jarrera eta jokabideetan orientatuz.
- Anonimoa eta konfidentziala: Anonimotasun eta konfidentzialtasuna gordeko du. Erantzuna guztiz pertsonala izango da, pertsona bakoitzaren beharrei erantzunez.
- Bulegoa: Udaletxeko sarrerako gelan, astelehenetan 15 egunetik behin egongo gara. 16:30-19:30
- Online: Instagram eta emailez ere erantzungo dira kontsultak: Instagram: @lahia3.0 / sexuaholkularitza@beasain.eus
- Ikastetxeak: Ikastetxeetara ere presentzialki hurbilduko da zerbitzua, bertan informazio eta aholkua jaso ahal izateko ere.
Hitzordua Instagram edota email bidez hartu beharko da: Instagram: @lahia3 / sexuaholkularitza@beasain.eus
Doako aholkularitza juridikoa
Hilean behin, astelehenetan egingo dute hitzordua arratsaldeko 15:00etatik 18:00etara eta hurrengo data azaroaren 4a izango da. Horrela aurkeztu dute:
Zerbitzu honetan edozein gai ilegali buruzko informazioa eta aholkularitza aurkituko duzu, zalantzak badituzu edo nola jokatu ez dakizunerako:
- Banantze-eskaerak, dibortzioak, ezkontza-deuseztasunak...
- Aurretiazko behin-behineko neurriak, seme-alaben zaintza, mantenu-pentsioa...
- Irabazpidezko sozietateen likidazioa, etxegabetzeak...
- Familia eta lana bateragarri egitea, lan-eskubideak...
- Babes-neurriak, urrunketa-neurriak, salaketak, bitartekaritza...
Beasaingo Udaleko sarrerako gelan eskainiko dute zerbitzua eta izena emateko honako zenbakietara deitu beharko da: 943 08 76 63 / 688 768 608