Arrano Kultur Elkarteak 40 urte betetzen ari dituen honetan, asko izan dira antolatutako ekintzak: Mendi martxa, Sigi Sagas festa, tailerrak eta abar. Datorren asteazkenean, hilaren 30ean, Maddi Aiestaranek Beasaingo gazte-hizkerari buruzko hitzaldia eskainiko du Arrano elkartean, arratsaldeko 18:30ean.
Bestalde, azaroaren 8an Udazkeneko bertso saioa ospatuko dute. Bertsolariak Maddi Aiestaran, June Aiestaran, German Urteaga, Miren Artetxe, Sustrai Colina eta Unai Iturriaga izango dira eta gai-jartzailea Maitane Legarreta izango da. Arratsaldeko 19:00etan izango da Usurbe Antzokian eta sarrerak dagoeneko salgai daude usurbe.eus webgunean.
Gainera, 40. urteurrena dela eta, Arrano Kultur Elkarteak urte horietan egindakoa eta bizitakoa islatzen duen dokumentala proiektatuko du azaroaren 15an arratsaldeko 19:00etan Usurbe Antzokian. Dokumentalak ekintzen irudiak eta hainbat lagunen testigantzak bilduko ditu. Egun horretan sorpresa bat jakinaraziko dutela adierazi dute ere eta ondoren, mokadutxoa egingo dute Arrano elkartean.
Antolakuntzak herritarrak gonbidatu ditu ekitaldietara gerturatzera eta etorkizunean egingo diren ekintzetan parte hartzera.
