Ehunmilak trilogiako antolakuntzak 14. edizioaren data iragarri du. 2025eko uztailaren 11, 12 eta 13an jokatuko dira hiru lasterketak. Guztira 1.450 korrikalarik izango dute hiru lasterketetan parte hartzeko aukera. Ehunmilak Ultratrail proban 550 partaidek izango dute 171 km-ko ibilbidea burutzeko aukera. Goierriko Bi Handietan ere (90 km) 550 lasterkarirentzat izango da lekua. Marimurumendi mendi maratoian aldiz 350 partaide lehiatu ahal izango dira.
Datorren astean izen emateen data emango dute jakitera.
