Laburpena: Familia bat apurtua. Ama bat eta bi alaba.
Antzerkia beraien gurutzea delarik. Bizi al daiteke antzerkiaz edota
beste arte motaz? Ahaztu al daitezke zorigaitzak? Galdera horiek egiten dira
antzezlanean.
Gizaki guztiak bizitzaren funanbulistak gara, beti
alanbre fin batean ibiltzen gara, erortzekotan. Beldurra, ziurtasun eza… eta
maitasun eza. Hauxe da, gaur egungo gizakiaren epidemia. Gaur egungo
tragikomedia bat. Ametsak… egi bihurtu al daitezke? Zer egingo zenuke zure
ametsa egi bihurtu dadin?
Ama, Daniela, Nekane. Hauek dira antzezlan honen
protagonistak. Bakoitzak bere beldurrak eta bere ametsak ditu. Eta hirurak,
alanbre fin batean daude… doaz, edozein momentutan erortzekotan. Gaur egun
antzerkiari buruz egiten diren galdera eta solasaldiei buruzko antzezlan argia
da. Ez du inor axolagabe utziko. FUNANBULISTAK. Gaur egungo gizartearen ispilua.
Sarrerak: usurbe.eus
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA