1984 urtean Jesus Mari Garatek sortu zuen taldea eta geroztik, ezarritako helburuari eutsi diotela adierazi dute: herritik jasoa herriari zabaltzeko nahia.
Maurizia Aldeiturriaga pandero-jole bizkaitarraren jaiotzaren 120 urte betetzen dira eta hau ere ospatuko dute. Izan ere, Mauriziaren eta Ostadarren baloreek bat egiten dutela azpimarratu du taldeak: Herriak sortua eta herriaren eskaintzeko beharra eta nahia, gure hizkuntzan gure kultura dantza eta musika bidez transmititzea eta berdintasunerantz eta aniztasunerantz abestu eta dantzatzeko aldarria.
Dantzan 24 ordu
15 minutuko txandetan, musikari eta dantzari desberdinak arituko dira Bideluze Plazan eta horren parte izateko deialdia zabaldu du Ostadar Dantza Taldeak: izena emateko edota informazioa gehiago eskuratzeko, idatzi 24orduzdantzan@gmail.com helbidera edo sartu 24orduzdantzan.eus webgunera.
