Herriko ibai eta erreka degradatuak leheneratu eta egoera ekologiko hobean jartzea helburu, Beasaingo Udalak Oria ibaiaren garbiketa jarri du martxan aurten ere Aranzadi Zientzia Elkartearekin batera. Udalak kaleen garbiketaz eta ibaiko landarediaren mantenuaz arduratzen da, etorkizuneko Beasain eraiki eta babesteko konpromisoa berretsiz. Bide batez, eta herritarrak sentsabilizatzea xede, Udalak antolatu dituen bi ekintzetan parte hartzeko deialdia zabaldu du.
Erreka garbiketa eta landare espezie inbaditzaileen erauzketa
Uztailaren 10ean, asteazkenean, Oria ibaiaren garbiketa egingo dute arratsaldeko 17:00etan Igartzako Monumentu Multzoko ibai eremuan hasita. Aranzari Zientzia Elkarteko teknikariak izango dira bertan herriko ibaiek jasotzen dituzten hondakinei buruzko azalpenak emanez. Parte hartzeko, hurrengo inprimakia bete beharko da:
Oria ibaiaren garbiketa, uztailaren 10ean arratsaldeko 17:00etan
Bestalde, uztailaren 17an landare inbaditzaileen erauzketa egingo dute arratsaldeko 17:00etan Igartzako Monumentu Multzoko ibai eremuan hasita. Aranzadik kiroldegitik paseoa gidatuko du ibaian dagoen landarediaren azalpen batzuk emanez eta ondoren Igartzako Monumentu Multzora zuzenduko dira eskuzko erauzketarekin hasteko. Parte hartzeko, hurrengo inprimakia bete beharko da:
Landare espezie inbaditzaileen erauzketa, uztailaren 17an arratsaldeko 17:00etan
Bi ekintzak amaituta, ibarbasoko espezieak landatuko dira erreka eta ibai ertzetan eta landaketa gunea Aranzadiko langileek egingo dute udazkenean.