Lehiakortasunik gabeko mendi ibilaldia da Aizkorriko Bira, 2002an sortua eta bi urtean behin egin ohi dena. Hainbat tokitatik etorritako partaideek, 52 km eta 2500 m-ko desnibela duen ibilbidea egiten dute.
Goierriko bailara osoa zeharkatzen du bideak. Beasaindik aterata, Olaberriko ibilbideetan zehar Idiazbalgo mendien barrena murgilduz, Etxegarateraino joaten da, handik Zegamako mendietan barrena Aizkorriraino, eta bertatik berriro ere Beasainera itzuliz, Zeraingo, Segurako eta Ormaiztegiko lurretatik barrena.
Tomas Salazar mendizalearen omenezko proba, goizeko 6:00etan hasi zen. Partaideak, egun osoan zehar, arratsaldeko 20:00ak arteko tartea izan zuten helmugaratzeko. Lehendabizikoak eguerdiko 13:00etan hasi ziren iristen. Guztira 146 partaidek bukatu zuten ibilaldia.