Bertan dira Beasaingo Loinatz Jaiak eta Beasaingo Asanblada Feministak datozen egunen inguruko oharra zabaldu du. Duela egun eskas Donibane Lohitzunen gertatutako erailketa matxista salatu eta euren eredu izan diren emakumeak* goraipatu nahi izan dituzte:
Iritsi dira herriko jaiak eta tamalez iazko moduan hasi behar, indarkeria matxistaren ondorioak salatzeko pankarten atzean.
Oraingoan Donibane Lohitzuneko emakume baten erailketa batekin. Erailketa hau bortizkeria matxista ororen icebergaren puntan kokatzen da. Lan handia geratzen zaigu oraindik indarkeria mota guztiak desagerrarazten.
Biden honetan ezinbestekoa ikusten dugu emakumeok* ahalduntzea, saretzea eta borrokatzea.
Jarri diezaiegun hitza eta goraipa ditzagun beraz gure eredu izan diren emakumeak*. Gora Maurizia! XX. mendean emakumeon* eskubideak erabat zapalduak zirenean adierazi zuen ausardiarengatik. Bere pandero eta irrintziekin herri guztietako plazak bete zituelarik.
Mariren sugarretatik berpiztu dezagun gure irrintzien indarrarekin. Eta berak bere buruari esan ohi zion bezela oihu egin dezagun ozen, "aire, aire! jai parte hartzaileen alde". "Aire! erasotzaileari!"
Ver esta publicación en Instagram