Pasa den larunbatean Beasaingo futbito txapelketako final aurrekoak jokatu zituzten. Urrian hasi eta 11 jardunaldiren ondoren, Loinatz Jaietako kuadrilla egunean finala jokatuko duten protagonistak ezagutzeko momentua iritsi zen. Lehen final aurrekoa Bombo taldeak irabazi zuen, Old Boys-en aurkako 10-4 emaitzarekin. Finalerako bigarren klasifikatua Zulo taldea izan zen, Matxiren aurkako 10-3 emaitzarekin.
Sekulako giroa sortzen da partiduetan, geroz eta jende gehiago animatzen da Murumendi eskolako jokalekura futbito txapelketako partidak ikustera.