Beasaingo Udalak, Hezten elkartearen bitartez, Parketarrak ekimena jarri du martxan, jolasen bidez kalean eta parkeetan haurren artean euskararen erabilera sustatzeko helburuarekin.
Hezten-eko jolas dinamizatzaileen laguntzaz, Iturralde parkean (euria izanez gero Loinazko San Martin plaza azpian) jolas saioak burutuko dira, apirilak 17, 24 eta maiatzaren 8an. Adinaren arabera, bi saio antolatuko dira. Batetik, 3-5 urte bitarteko familientzat zuzenduta dagoena 16:45etik 17:45era burutuko da, Zabu Zibu izenburupean. Bertan euskaraz jolasteko tresnak eskainiko dira eta beharrezkoa da heldu batekin etortzea. Bestetik, 6-9 urte bitarteko haurrei zuzendutako Txirrintxon ekimena 17:45etik 18:45era egingo da.