Mariren jaitsiera Loinatz jaietako ekitaldirik kuttunetarikoa eta jendetsuena bihurtu da. Azken urteotan, parte hartzean izandako gorakada handiak ekitaldiaren ikusgarritasunean eta baita segurtasunean ere eragina izan du antolatzaileen ustez. Beraz, Beasaingo Udalak, Arrano Kultur elkarteak, Aurtzaka dantza taldeak, Loinatz abesbatzak eta antzerki taldeak hausnarketa prozesu bat abiatu zuten eta hainbat neurri hartzea erabaki dute.
Dantzarien kopurua mugatzea erabaki dute
340 pertsona arituko dira suaren inguruan. Horietatik 40, oholtza gainean arituko dira; hauek guztiak 2007an jaiotakoak. Gainontzeko 300 dantzariak, plazan egokitutako eremuan dantzatuko dute eta hauen adina ez da kontuan izango. 340 pertsona hauek entseguetan banatuko diren zapiekin identifikatuko dira. Zapirik ez dutenek, ezingo dute plazako eremuan dantza egin eta kale Nagusian dantzatuko dute.
Hiru entsegu egingo dira
Entseguetan parte hartzen dutenek zapia eskuratzeko lehentasuna izango dute . Hiru entsegu egingo dira; lehena, apirilaren 26an Antzizar kiroldegian arratsaldeko 19etan. Bigarrena, maiatzaren 3an, leku eta ordu berean eta azken entsegua, plazan egingo maiatzaren 10ean arratsaldeko 20etan.
Antolakuntzaileek berrikuntza hauek ekitaldiaren ikusgarritasuna eta segurtasuna bermatzeko hartu beharreko neurriak direla azpimarratu dute