Beasaingo Jasangarritasun Energetikoaren eta Hirigintzako Aholkularitza Batzordeetan parte hartzeko deialdia

GITB 2024ko mar. 21a, 12:55

Beasaingo Udalak herritarren partaidetza sustatzeko asmoz, Jasangarritasun Energetikoaren eta Hirigintzako Aholkularitza Batzordeetan parte hartzeko deialdia zabaldu du.

Udalaren esanetan, “Pairatzen hasi garen krisi-klimatikoaren aurrean eraginkortasun energetikoan eta energia garbietarako transizioan egikarituko diren ekimenek datozen belaunaldiei ingurune bizigarriago bat uztea ahalbidetuko dute”, eta horretarako, ingurumenaren zaintza eta hirigintza politikak izango dira Beasaingo etorkizuna marrazteko bi lan-ildoak.

Bi gai hauek lantzeko, legealdi berriari begira, batzorde berriak osatu nahi ditu Udalak.

Batzorde kide izateko izena-ematea martxoaren 31ra arte egongo da zabalik udal ordezkarien bitartez, udala@beasain.eus helbidera idatziz edota iGuneko zerbitzuaren bitarez.

Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.


GITBkide