Lonatz txirrindulari elkarteak antolatuta, urteko lehen proba jokatu zuten kadete mailako txirrindulariek.
Goizeko 10:30etan Nafarroa etorbidean kokatutako irteera marratik abiatu ziren ia 200 txirrindulari.
Proba hasieran Nayaiz taldeko txirrindulari frantziarrak aurreratu ziren, baina igoeran Dario Gimeno (Gran Canaria Bike) txirrindulari kanariarrak erasotu eta lasterketaren buruan jartzea lortu zuen. Ondorioz bera gailendu zen proba osoan zehar eta helmugara bakarrik iritsi zen, lehen postua lortuz.
Helmuga gainditzen bigarrena, Guyando Gancedo taldeko Jon Egia izan zen eta hirugarrena, Nayais taldeko Richard Gabriel frantziarra.
