Goierri telebistak eskainitako ekimen berri honetan, Beasaingo udalarekin elkarlanean, herriko 4 ikastetxeetako ikasleek hartuko dute parte. Guztira, 8 eta 12 urte bitarteko 275 gazte igoko dira oholtza gainera, beraiek prestatutako abestia erakustera.
Doakoak izango dira emanaldi guztiak eta ez da ez sarrera ez gonbidapenik behar izango ikustera sartzeko.
Goierri telebistan zuzenean streaming bitartez ere jarraitu ahal izango dira emanaldi guztiak. Larunbatean, 15:00etatik aurrera eta igandean, aldiz, goizeko 11:00etatik aurrera, ‘gitb.eus’ atarian.
